نيويورك ستايل تشيز كيك 🍰

نيويورك ستايل تشيزكيك🤩

طريقته مرة سهلة:

شغلي الفرن على ٣٥٠ فهرنهايت من تحت

تحطين بالصينية بسكوت دايجستف مطحون مع اصبع زبدة ذايب و ملعقة سكر و اضغطيهم عالقاعدة و الجوانب حسب الرغبه ودخليه الفرن يتماسك ٥ دقايق

.

نسوي الحشوة ، لازم كل المقادير بدرجة حرارة الغرفة:

علبتين فيلادلفيا (١٨٠ جم الواحدة)

ثلثين كاس سكر

ملعقتين كبيرة عصير ليمون

ملعقة صغيرة فانيلا سائلة

٣ بيضات

كاس ساور كريم (قشطة رائبة) انتبهوا مو قشطة عادية ولا زبادي

بديل : كاس فيه ٣ ملاعق لبنة ونص قيمر حطيت لكم صورتها اسحبوا الصور بالبوست

.

الطريقة :

اخلطي الجبن لحد ما تجانس و اضيفي السكر والفانيلا و الليمون و اخلطي زييين لحد ما يصير كريمي..

اضيفي البيض حبة حبة بالتدريج و خففي سرعة الخلط عشان ما يدخل هواء و يخفس التشيزكيك

و اخر شى اضيفي الساور كريم ولا تخلطين كثير

.

حطيه بالفرن الحار مسبقاً على ٣٥٠ فهرنهايت من تحت فقط..

وتحتها حمام مائي ( بالرف الي تحت بالفرن) لمدة ٢٠ دقيقة بعدين غطيه بقصدير و خليه بالفرن ٢٠ دقيقة زيادة

سكري نار الفرن و شيلي القصدير و خلي باب الفرن مفتوح والتشيزكيك جوا لا تطلعينه عشان ما يخفس لمدة ربع ساعة و طلعيه

( كذا يبرد بالتدريج ) و اذا برد دخليه الثلاجة عالاقل ٤ ساعات او طول الليل

و زينية بالي تحبين🍓🍒🍇

.

و بالعافية 🙏